Friday, January 28, 2011
Tuesday, January 18, 2011
Monday, January 10, 2011
Shahar e Mustafa
Shahar e Mustafa
jab gumbade qizra pe wo pahli nazar gayi
akhon k raste se mere dil me uthar gaye
jab gumbade qizra pe wo pahli nazar gayi
aisa laga ke
roh mere badan se guzar gai
mera dil jal raha hay
mera tharap raha hay sina
yah dawaa wohi melagi
mujhe le chalo Madina
yaa nabi salamu alaika
ya rasul salamu alaika
ya habib salamu alaika
samna jab mauth ka ho
daam ye sine mein basa ho
ruhu tan se jab juda ho
mere laab pe ye sada ho
Wednesday, January 5, 2011
SALAAM
S A L A A M
Sahar ka waqt tha, Sahar ka waqt hei
Masoom kaliyan muskurati hein
Hawayein khair e maqtam ke
Taraney gun-gunati hein
Farishton ki salami deney wali fauj gati thi
Janab e Aamina r.a. sunti thi yeh aawaz aati thi...
Ya Nabi s.a.w. Salam Alayka
Ya Rasool s.a.w. Salam Alayka
Ya Habib s.a.w. Salam Alayka
Salava Tula'a Alayka
Jab Nabi s.a.w. paida huwey they
Sab malak dar pe khadey they
Ba adab yun keh rahey they
Salava Tula'a Alayka
Rahmaton ke taj waley
Do jahan ke raaz waley
Arsh ki meraj waley
Aasiyon ki laaj waley
Jankni ke waqt aana
Kalma e tayyab padhana
Chehra e anwar dikhana
Hum ko imaan per uthana
Ranj o gham kafur kar do
Hijr ke din dur kar do
Dil ko rashq e toor kar do
Noor se mamoor kar do
Vaasta aal e abaa ka
Sadqa bibi fatima ka
Or shaheed e qarbala ka
Gham na ho roz e jazaa ka
Jaan kar kafi sahara
Le liya hei dar tumhara
Khalk ke varis khudara
Lo salam ab to hamara
Mustafa Khair ul varaa ho
Sarvar e har do sara'a ho
Apne achchhon ke tasadduq
Hum gadon ko bhi nibaa ho
Ho mubarak ahl e imaan
Ho gayee subh e baharan
Ho gaya har ghar charagan
Salava tulla alayka
Aamina bibi ka jaaya
Baharvin tarikh aaya
Subh e sadiq ne sunaya
Salava tulla alayka
As tufail e gaus e azam
Ganj bakhsh e Faiz e Azam
Sadqa e imaam e azam
Dur aasiyon ke hon gham
Hai samaa harsu nirala
Maharbaan hai haq taa'la
Jis taraf dekhun ujaala
Aa gaya hei kamli wala
Be navisht khand aaya
Zulmaton ko faand aaya
Kar ke sab ko maand aaya
Aamina r.a. ka chand aaya
Ek jhalak jo dekh payein
Jaan aap per lutayein
Raah mein aankhein bichhayein
Dast e basta fir sunayein
Chasm o dil ka chain dono
Rooh e Mushrakleen dono
Shah ke noorain dono
Hein hasan a.s. , Husain a.s. dono
Naib e ashab e sarvar
Pehle hain siddiq e akbar
Fir umar , usman o Haidar
Bhejiye salaam un per
Hum ko dikhlao woh manzar
Or woh Milad e payambar
Jo farishton ke lab se aksar
Aaye nagma rooh e parvar
Awwal o aakhir tum hi ho
Batin o zahir tum hi ho
Hazir o nazir tum hi ho
Deen ke nasir tm hi ho
Ahmad e mukhtar aao
Khalk ke sardar aao
Paikar e anvar aao
Hamiyo ghamkhwar aao
Ranj o gham khaye huwey hein
Dur se aaye huwey hein
Tum per itraaye huwey hein
Haath failaye huwey hein
Aamina r.a. bibi ke pyare
Tum pe utrey tees paarery
Bekason ke tum saharey
Vajd mein ummat pukarey
Aap hi sab se haseen ho
Aap hi noor e mubeen ho
Tajdar e mursaleen ho
Aap hi dil mein makeen ho
Hum gunahon mein hein doobey
Daal do rehmat ke pardey
Ishq ke kartey hein sajdey
Or yeh padhtey hein dil se
Barkati mahina ye aaya
Rabi ul awwal hai paaya
Rab ki rahmatein yeh laaya
Ummaton ke sir pe saaya
Qarbala waalon ka sadqa
Fatima zahra r.a. ka sadqa
Baghdadi aaqa ka sadqa
Khwaja e hindal ka sadqa
Aashiq e maeel ki sun lo
Bani e mehfil ki sun lo
Saamaeen ke dil ki sun lo
Akbar e bismeel ki sun lo
Kuch na ki hum ne kamai
Umr sab yun hi ganvai
Aye arab waley duhai
Kijiyo mushkil kusai
Aye merey maula ke pyarey
Noor ki aankhon ke tarey
Ab kisey sayyad pukarey
Tum hamarey hum tumharey
Subha ka waqt haseen ho
Zarra zarra dilnaseen ho
Aur madiney ke zameen ho
Aapka baikal vahin ho
Ya shafi al mujnabina
Mahbat e vayyus shakina
Noor se mamoor sina
Musk se behtar pasina
Kya kahun aaqa mein kya hoon
Aashiq e ghaus ul waraa hoon
Khwaja ke dar ka gadaa hoon
Khadim e ahmad raza hoon
Aapka tashrif laana
Waqt bhi kitna suhana
Hurein gaati thi tarana
Ho salam aye aajzana
Ya nabi s.a.w. ummi lakab tum
Ya habib s.a.w. mehboob e rab tum
Ya rasool s.a.w. aali nasab tum
Salava tulla alayka
Jo huwa tum se huwa hei
Jo kiya tum ne kiya hei
Do jahan ke ho sabab tum
Salava tulla alayka
Khatm hei tum per risalat
Sir nigun ahl e balagat
Or ho ummi lakab tum
Salava tulla alayka
Chamka jab noor e risalat
Bujh gayee Sham e jahalat
Mehr e deen maah e arab tum
Salava tulla alayka
Kyun khuda shaida na hovey
Kyun jahan kurbaan na hovey
Misl e gul ho khanda lab tum
Salava tulla alayka
Hum burey hein ya bhaley hein
Aap ke hein aap ke hein
Khas ho mehboob e rab tum
Salava tulla alayka
Ek nazar shah e umam ho
Ghamjadon per bhi karam ho
Rahmat e aalam ho jab tum
Salava tulla alayka
Tum habib e kibriya ho
Aur imaam e ambiya ho
Do jahan ke peshwa ho
Shafi e roz e jazaa ho
Chhod kar daman tumhara
Aur lein kis ka sahara
Kaun deta hei sahara
Kis ke dar pe ho guzaara
Aap ke dar ki fakiri
Do jahan ki hai amiri
Aa gaya ab waqt e peeri
Kijiyo lillah dastgiri
Hei ye hasrat dar pe aayein
Ashq ke dariya bahayein
Daag siney ke dikhayein
Saamney ja kar sunayein
Puri ya rab yeh dua kar
Hum dar e maula pe ja kar
Pehley kuch naatein suna kar
Fir padhein sir ko jhuka kar
Bakhsh do jo chiz chaho
Kyun ke mehboob e khuda ho
Aap to baab e sakha ho
Haan mujhe bhi kuch ataa ho
Arsh e aazam per tum hi ho
Khalk ke rahbar tum hi ho
Saaki e kausar tum hi ho
Shafi e mehsar tum hi ho
Bakht ka chamke sitara
Hazri ka ho ishara
Dekh kar roza woh pyara
Fir kahey khadim tumhara
Mujh ko taibah mein bulana
Fir mujhe jalva dikhana
Aur siney se lagana
Apne qadmon mein sulana
Layein jo imaan tum per
Kyun na dein wo jaan tum per
Meherbaan rehman tum per
Khalk sab kurban tum per
Hijr mein mushkil hei jina
Dil huwa chak or sina
Thamiye mera safina
Ya shafi al mujnabina
Kash hasil ho huzuri
Dur ho jaye yeh duri
Dil ki ye hasrat ho puri
Dekh lun wo shakl e noori
Dil mein tum masnad nasheen ho
Is makaan ke tum makeen ho
Hum marein to wo zameen ho
Aur sirhane bhi tum hi ho
Nooh ke tum nakhuda ho
Khalk ke mushkil kusha ho
Sab ke tum hajat ravaa ho
Jo kahun us se siva ho
Bakhsh do meri khatayein
Dur hon gham ki ghatayein
Bhej do apni ataayein
Vajd mein hum yun sunayein
Hashr mein tum bakhshvana
Jab kahin na ho thikana
Apne daaman mein chhupana
Har musibat se bachana
Aye shafi e roz e mehsar
Hey siyaah isyan se daftar
gaus ka sadqa karam kar
Chasm e dil kar ke munavvar
Aye sabaa rozey pe jaana
Dast e basta keh sunanaa
Ya nabi s.a.w. dar pe bulana
Jalwa e zaiba dikhana
Fakhr e aadam Fakhr e Howwa
Fakhr e nooho Fakhr e Yahya
Fakhr e Ibraahimo moosa
Fakhr e Ismaeelo Eisa
Aye shahanshah e risalat
hei yahan jo ahl e sunnat
Daimee sab pe ho rehmat
Bani e mehfil pe barkat
Akbar e shaida tumhara
Fir raha hei maara maara
Jaan baja tum ko pukara
Us ki sun lo ab khudara
Asslam aye shaan e aalam
Asslam ummat ke vaali
Jholi reh jaye na khali
Arz karte hein sawali
Ya Nabi s.a.w. Salam Alayka
Ya Rasool s.a.w. Salam Alayka
Ya Habib s.a.w. Salam Alayka
Salava Tula'a Alayka
Salava Tula'a Alayka
************************************************************
Rakhna bharam ' Mehboob ' ka waqt e naja'a shaha
Karloon jabeen ko neechi , ba adab salaam ho
Tuesday, January 4, 2011
Naat e Lyrics
Raate bhi Madine ki baate bhi Madine ki
Raate bhi Madine ki baate bhi Madine ki
Jeena mein ye jeena hai kya baat hai jeene ki
Arsa huwa Taiba ki galiyon se ye guzra hai
Is waqt bhi galiyon me khushbu hai paseene ki
Mein Madine ki galiyon pe qurban
Jinse guzra he Shah-e-Madinah
Is tarha se mehekta hai raasta
Itr jaisa lage huwa hai
Arsa huwa Taiba ki galiyon se ye guzra hai
Is waqt bhi galiyon me khushbu hai paseene ki
Kya mehekta ta hai mehekne wala
Ke buu pe chalta hai bhatakne wala
Arsa huwa Taiba ki galiyon se ye guzra hai
Is waqt bhi galiyon me khushbu hai paseene ki
Wallah jo miljaaye tera gul ka paseena
Maanga na kabhi itr na phir chaaya dulan phool
Arsa huwa Taiba ki galiyon se ye guzra hai
Is waqt bhi galiyon me khushbu hai paseene ki
Ye zakham hai Taiba ka ye sabko nahi milta
Koshish na kare koi is zakham ko seena ki
Ye apni nigaaho se mastaana banata hai
Mastaana banata hai deewana banata hai
Har saal Madine me Mirza ko bulaata hai
Sarkar jagaata hai taqdeer kameene ki
Raate bhi Madine ki baate bhi Madine ki
Jeena mein ye jeena hai kya baat hai jeene ki
Sabse aula oaala hamara nabi
Sab se awla wa aala hamara Nabi
Sab se baala wa waala hamara Nabi
Apne Mawla ka pyara hamara Nabi
Dono aalam ka Dulha ha hamara Nabi
Bazme Aakhir ka shama faroza huwa
Noore awwal ka jalwa hamara Nabi
Buj gayi jis ke aage sabhi mash'ale
Shamma woh lekeh aaya hamara Nabi
Jis ke talwon ka dhowan he aabe hayaat
Hai woh jaane maseeha hamara Nabi
Khalq se Awliya Awliya se Rasul
Aur Rasulon se aala hamara Nabi
Jaise sab ka Khuda ek he waise hi
In ka un ka tumhara hamara Nabi
Kawn deta he dene ko muh chahiye
Dene waala he sacha hamara Nabi
Kya khabar kitne taare khile chhup gaye
Par na doobe na dooba hamara Nabi
Saare ooncho meh ooncha samajhye jise
Hai us oonche se ooncha hamara Nabi
Gham zadoh ko Raza muzda dije kahe
Be kason ka sahara hamara Nabi
Mere Aaqa Aao ke muddat hoi hai
Mere Aaqa Aao ke muddat hoi hai
Teri rah mein Akhiyan bichate bichate
Teri hasratoon mein Teri chahatoon mein
Bare din huway ghar sajate sajate
Yeh dil jab se Ishq e Nabi (Sal Allaho Alehi Wasallam) mein para hai
Na din ki khabar he na shab ka pata hai
Ab tu basarat bhi kum ho gayee hai
Tere gham mein aansu bahate bahate
Na Ka’abe se matlab na Masjid ki chahat
Faqat dil mein Hakim tamanna yehi he
Jo mil jaaye Naqsh e kafe Pa’ay Ahmed
Tu mar jaaein sar ko jukate jukate
Mere lab pe Mola na koi sadaa hai
Faqat iss nikamme ki yehi dua hai
Meri sanse nikle dar e Mustafa (Sal Allaho Alehi Wasallam) pe
Gham e dil Nabi(Sal Allaho Alehi Wasallam) ko sunate sunate
Mera yeh he Imaan, ye mera yaqeen he
Mere Mustafa sa na koi Haseen he
Ke Rukh un ka dekha he jab se Qamar ne
Nikalta he munh ko chupate chupate
Qiyamat ka manzir bara pur khatar hai
Magar Mustafa ka jo diwana ho ga
Woh pul se guzar ja’ay ga wajd karte
Na’ra Nabi ka lagate lagate
Mere Aaqa Aao ke muddat hoi hai
Tere rah mein Akhiyan bichate bichate
Teri hasratoon mein Teri chahatoon mein
Bare din hova ghar sjate sajate
Mustafa jaan-e-rehmat peh laakho salam
Mustafa jaan-e-rehmat peh laakho salam
Sham-e-bazme hidayat peh laakho salam
Jis suhaani ghari chamka Tayba ka chand
Us dil afrawze saat peh lakho salam
Jis ke mathe shafat ka sihra raha
Us jabaane saadat peh laakho salam
Aik mera he rehmat pe dawa nahi
Shaha ke sare ummat peh laakho salam
Jis kay aane say yasrab Madinah bana
Aysa aaqa ke amad peh laakho salam
Kul jahan milq aur jaw ki roti ghiza
Us shikam kii qana'at pe laakhon salam
Ummati ummati lab peh jari rahe
Ummati tere kismat peh laakho salam
Mujh se khidmat ke kudsi kahe ha Raza
Ya Nabi Salam Alaika
Ya Rasul Salam Alaika
Ya Habib Salam Alaika
Salawa tulla Alaika
Rehmato ke taaj waale
Do jahaan ke raaj waale
Arsh ki meraaj waale
Aasiya ki laaj waale
Ya Nabi Salam Alaika
Ya Rasul Salam Alaika
Ya Habib Salam Alaika
Salawa tulla Alaika
Bakht ka chamka sitara
Hazri ka ho ishara
Dekar Rawza tumhara
Phir kahe kadim tumhara
Ya Nabi Salam Alaika
Ya Rasul Salam Alaika
Ya Habib Salam Alaika
Salawa tulla Alaika
Duur ho jaaye ye duuri
Hasil ho jaaye khuzuri
Dekh luu wo shakle noori
Dil ki harate ho puri
Ya Nabi Salam Alaika
Ya Rasul Salam Alaika
Ya Habib Salam Alaika
Salawa tulla Alaika
Maula Ya Salle Wasallim Daaeman Abaadan
Maula Ya Salle Wasallim Daaeman Abaadan
Ala Habibeka Khayril Khalqe Kulle Hemi
Alhumdo Lillaahe Munshil Khalaqe Min Adami
Shum Mas Salaato Alal Mukhtaare Fil Qadami
Amin Tazak Kore Jiraanim Bezi Salaami
Mazajta Dam-An Jara Mim Muqlatim Bedami
Fama Le Ay Nay Ka In Qultak Fofa Hamata
Wama Le Qalbe Ka Inna Qultastafiq Yahemi
Fa Kayfa Tunkero Hubbam Ba?ada Ma Shahedat
Behi Alayka Udulud Damaey Was Saqami
Astagferul-Laaha Min Qawlim Bela Amaalin
Laqad Nasabto Behi Naslal Lezi Ooqomi
Muhammadun Sayyedul Kawnayni Was Shaqalayni
Wal Fariqayni Min Urbiw Wa Min Ajami
Nabiyyonal Aamerun Naahi Fala Ahadun
Abarra Fi Qawle La Minhu Wala Na Aami
Huwal Habibul Lazi Turja Shafa Atohu
Le Kulle Hawlim Minal Ahwaale Muqtahemi
Da?aa Ilal Laahe Fal Mustam Sekuna Behi
Mustam Sekuna Be Hablin Ghayre Munfasemi
Kaz Zahre Fi Tarafin Wal Badre Fi Sharafin
Wal Bahre Fi Karamiw Wad Dahre Fi Hemami
Ya Akramal Khalqe Maliman Aluzo Behi
Sewa Ka Inda Hululil Hadesil Amami
Wal Aale Was Sahbe Summat Tabe-Eena Lahum
Ahlittoka Wannoka Wal Hilmi Wal Karami
Summar Rida An Abi Bakriw Wa An Umarin
Wa An Usmana Wa An Aliyyiw Zil Karami
Wagfir Lena Shedeha Wag Fir Leqare Eha
Sa Al Tokal Khayra Ya Zal Jude Wal Karami
Ya Rabbe Bil Mustafa Ballig Maqasedna
Wag Fir Lana Ma Madaya Wase Al Karami
Arshe Haq he musnade rifâat Rasoolullah
Arshe Haq he musnade rifâat Rasoolullah ki
Dekhni he Hashr me Izzat Rasoolullah ki
Qabr me lehraa-e-ge tha Hasr chashme noor ke
Jalwah farma hogi jab talâat Rasoolullah ki
Laa Wa Rabbil Arsh jisko jo mila Unse mila
Bat’ti he Kownain me neâmat Rasoolullah ki
Wo Jahannum me gaya jo Unse mustaghni huwa
Hai Khalleelullah ko haajat Rasoolullah ki
Sooraj ulthe paaw palthe chaand ishaare se ho chaak
Undhe Najdi dekhle Qudrat Rasoolullah ki
Tujhse aur Jannat se kya matlab wahabi door ho
Hum Rasoolullah ke, Jannat Rasoolullah ki
Hum bhikaari Wo Kareem, Unka Khudaa Unse fizoo
Aur naa kehna nahee Aadat Rasoolullah ki
Ahle Sunnat ka he bera paar Ashaabe Rasool
Najm he aur Naav hai Itrat Rasoolullah ki
Toot jaa-enge gunaahgaro ke fawran qaid-o-bund
Hashr ko khuljaaegi Taaqat Rasoolullah ki
Ya Rabb ik saa’at me dhul jaa-e siyaahkaro ke jurm
Josh par aajaaye ab Rehmat Rasoolullah ki
Ae Raza khud Saahibe Quraan hai mud’daahe Huzoor
Tujhse kab mumkin he phir midhat Rasoolullah ki
(Sallallahu alahi wa Sallam)
Mujhe bhi Madine bula mere Mawla
Mujhe bhi Madine bula mere Mawla
Hame bhi Madine bula mere Mawla
Karam ki thajallee dikhaa mere Mawla
Hamay bhi Madine bula mere Mawla
Bohoth bekaraari ke alam mein hu mein
Meri bekaraari mithaa mere Mawla
Hame bhi Madine bula mere Mawla
Karam kee thajalee dikhaa mere Mawla
Nigaho se pinhaa jo manzil meri hein
Kyun majdhar me naao meri pasi hein
Hathaoo ka mara bhi pale gaa sahil
Gar abid ke dil me samaa mere Mawla
Hame bhi Madine bula mere Mawla
Karam kee thajalee dikhaa mere Mawla
Mujhe bhi Madine bula mere Mawla
Hame bhi Madine bula mere Mawla
Bohoth bekaraari ke alam mein hu mein
Meri bekaraari mithaa mere Mawla
Sunaah hai Madinah karam hi karam hai
Thu rakhtha jahan mein sabhi ka bharam hai
Tuje vasthaa tere pyaare Nabi ka
Meri bhigri aab tho bana mere Mawla
Jise tuune chaha mein uss pe fidha hu
Mein tere Muhammad ke dhar ka ghada hu
Tuje vasthaa Syeda Fatimah ka
Muje harr bala se bacha mere Mawla
Tera khawan main Tere geet gawan, Ya Rasoolallah
Tera khawan main Tere geet gawan, Ya Rasoolallah
Tera khawan mein Tere geet gawan, Ya Rasul allah
Tera milaad mein kyon na manawaan, Ya Rasolallah.
Tera milaad mein kyon na manawaan, Ya Rasulallah
Halima kar qadi vekhay, kadi Sarkaar (SAW) nu wakhay,
Main keri sayj Tere lai sajawan, Ya Rasoolallah.
Tera milad main kyun na manawan, Ya Rasulallah.
Mera dil vi aie chahnda aey, Tusi merey we ghar aao,
Par mein kerey maan thi tainu bulaanwaan, Ya Rasoolallah.
Jagaao bhaag merey vi Abu Ayyub dey vangoon,
Muqaddar os da kithon liyawan, Ya Rasoolallah.
Mayn kujh vi nai jay Teray naal meri koi nisbat nahin,
Mayn sab kuch haan je mayn Tera sadaawan, Ya Rasoolallah
Suna hai Aap har ashiq kay ghar tashreef latay hain,
Meray ghar mein bhi ho jaye charaghan, Ya Rasulallah.
Madinay paak day under meri ayho eibadar hai,
Teray rozay toon na nazran hatawaan, Ya Rasulallah.
—————————————————
Madiney aake ho raat din meri ibaadataein,
Tere roze ton na ankhiyaan hattanwaan, Ya Rasoolallah.
Zamaane bhar ka yeh qaidaah hai ke jis ka khaana usi ka gaana,
Tumhaara sad’qah hi kha rahe hain, tumhaare hi geet gaa rahe hain,
Mayn har dum teriyaan na’ataan sunaawa, Ya Rasoolallah,
Khuda vi teri yaad karta sanaawa, Ya Rasoolallah.
Ajal de aun ton pehle je Teri deed ho jaave,
Mayn aesi maut ton qurbaan jaawaan, Ya Rasoolallah.
Jina ne tere yaan qadmaan nu sine naal laayaaey,
Nasiba waliyan honeeya oththaawaan, Ya Rasoolallah,
Keven sud aashna tehrir ho jaaey zahoori di.
Zameen meli nahi hoti zaman mela nahi hota
Zameen meli nahi hoti zaman mela nahi hota
Zameen meli nahi hoti zaman mela nahi hota
Muhammad ke ghulamon ka kafan mela nahi hota
Muhammad kamli wale se woh jazba hai suno logo
Yeh jis mann mein sama jaaye woh mann mela nahi hota
Muhammad ke ghulamon ka kafan mela nahi hota
Gulon ko choom laite hain saharnam shabnami qatre
Nabi ki naat sun le to chaman mela nahi hota
Muhammad ke ghulamon ka kafan mela nahi hota
Jo naam-e-Mustafa choome nahi dukhti kabhi ankhen
Pehen le pyaar jo unka badan mela nahi hota
Muhammad ke ghulamon ka kafan mela nahi hota
Nabi ka daman-e-rehmat pakar lo e jahan walo
Rahe jab tak yeh haathon mein chalan mela nahi hota
Muhammad ke ghulamon ka kafan mela nahi hota
Mein nazan tu nahi nasir magar apna yeh dawa hai
Sana-e-Mustafa karne se fan mela nahi hota
Muhammad ke ghulamon ka kafan mela nahi hota
